VIELHA: ERRUTINARA ITZULI AURREKO AZKENA

Zalantzarik gabe, abuztu bizi eta mugitua izan da. Ia dena prest dugu irailerako, gauza berriak datoz, pixkanaka aurreratzen joango gara guztia.

Piriniotara joateko plan bat proposatzen didaten bakoitzean, zalantzarik gabe, baietz esaten dut.  Ez zait bururatzen oporrak amaitzeko modu hoberik. Dena ez da futbola edo Rock and Rolla izango. Oraingoan Vielharaino joan gara, Val d 'Aranen dagoen herri xarmagarri horretaraino. Gure Hersham urtero joaten da bertara.

Harrotasunez esan dezaket gure plana kirolaren inguruan izan dela, eta gainera, gure hitza bete dugula. Hankak ondo probatu ditugu. Sufritu dugu, baina gozatu ere bai. Hemen uzten dizkizuegu egon garen mendietako argazki batzuk.

Hainbesteko desnibela egin nahi ez duzuenontzat, Colomèrseko aintziren ibilbidea gomendatzen dizuegu, haraneko paisaia zoragarriez gozatzeko paseo lasaia.

Abuztuko azken egunetan, eguraldiak irribarre egin digu, nahiz eta haize-bolada gogorrak izan. Horregatik, jardueraren ondorengo planik onena igerilekua izan da. Guk Salardúkoak bisitatu ditugu, Vielha-tik 9 km-ra dagoen herria.

Baina hori besterik ez zela uste bazenuten, oker zeundeten. Vielha ez da bakarrik helmuga aproposa mendia gustuko baduzu, aisialdirako eta gastronomiarako eskaintza zabala baitu. Zalantzarik gabe, Birreria Refu da gure lehen gomendioa, artisau-garagardoa maite dutenentzako topagunea. Ingurutik bazatoz, bisita nahitaezkoa da.

Fabrika bisitatzeko ere aprobetxatu dugu, udan bakarrik irekitzen den Taproom bat baitute bertan. Beraz, datorren urtera arte itxaron beharko duzue. Bertan DJetaz eta zuzeneko musikaz gozatzeko aukera ezinhobea izango duzue udan zehar. Hemen ere karta bera eskaintzen dute jateko.

Proiektu alternatibo hau helburu argi batekin sortu zen eta garagardotegi soil bat baino gehiago da. Refuk garagardo kultura sustatzen du eta horretaz asko dakigu hemen.

Janariari dagokionez... leku batzuetan oso ondo jan dugu, eta beste batzuetan, berriz, ez hainbeste. Salarduko igerilekuetako katxopoa, Refuko edozein hanburgesa eta Woolloomoollooren eguneko menua gomendatzen dizkizuegu. Bikini ospetsua probatu nahi baduzue, Occitanie gomendatzen dizuegu. Bestalde, La Borda de Lanak Val d’Araneko janari tipikoa eskaintzen digu, baita bista ikusgarriak ere. (Aukeratu zuhurki).

Ezin genion leku honi agur esan denda batzuk bisitatu gabe, Vielhak, Pirinioetako edozein herri bezala, outdoor usaina du. Zorionez, oraingo honetan erosketa adimentsuen alde egin dugu. Haglöfs edo Rossignol dira M+ gunean aurki ditzakezuen marketako batzuk, eremuko outdoor denda multimarka nagusian. Jantzi teknikoen aniztasuna izugarria da.

Lehen aipatutakotik metro gutxira The North Face eta Millet-en denda ofizialak aurki ditzakezue.

Herrian dauden diseinatzaile marken eskaintza zabalak ere atentzioa eman digu. Loewe edo Celine dendak eta, koroako bitxi gisa, Pompeu, non dirua xahutu nahi dutenek Stone Island edo Gucci aurkitu ahal izango duten.

Hershamek 5 M-ak osatzea lortu du bidaia honetan, Val d 'Arango tontorrik esanguratsuenak. Gainerakoek aitzakia bat dugu itzultzeko: falta zaizkigunak desblokeatzea.