AUTUMN WINTER COLLECTION
Autumn-Winter, udazkena baino gehiago negua, berandu baina garaiz. Hilabete batzuk pasa dira gure azken sorkuntza aurkeztu geniezuenetik, baina zuen lege eta tendentzietatik urrun jarraitzen dugu. Gure ideia ez da inoiz hilko.
Konturatu gabe hotza hezurretaraino sartu zaigun bitartean, gure lanaren emaitza iritsi da eta zuei erakusteko irrikitan gaude. 3 irteera-eskaintza eramango ditugu aurrera hurrengo asteetan:
ITALIAN FLEECE
Gure jertserik kuttunena berrargitaratu dugu, kalitate goreneko felpa beste behin ere, baina oraingo honetan beste kolore batzuekin. Kolore ilunak aukera honetarako, letrak bordatu berezi batekin osatu ditugu, itsas urdina nagusi den bitartean. Aukera dotorea zalantzarik gabe. Beti bezala detaileak zaindu ditugu, etiketa barnean eta alboan. Adi egon! Gabonak baino lehen izango duzue eskuragarri, oparitu Dotore!
ISLAND COLLECTION
Blogean kontatu dizuegun moduan, kanariar uharteetan pasa ditugu egun batzuk, konkretuki Tenerifen, udazkenak beste kolore batzuk dituen paisaiaz inguratuta. Modu honetan hasi nahi dugu gure aurkezpena, bi kamiseta bi kolore berezirekin. Grisa eta marroia maiz ikus ditzakegu jatorri bolkanikoa duen irla zoragarri honetan, eta omenaldi bat egin nahi izan diegu bertakoei. Achinet eta Chinyero, lehenengoa, guantxeek irlari eman zioten izena dugu. Bigarrena, irlan erupzioa lehertu zen azken sumendia da alegia. Saiatu zaitez zurea hautatzen, bestela, biak eraman!
ESSENTIAL T-SHIRT
Gure kamiseta oinarrizkoena, oreinaren partxeak modu bikain batean konbinatzen du tixerta beltzarekin. Egunero janzteko aproposa dena, baina aukera bikaina izan daitekeena ere dotore jantzi nahi duzun gau baterako. Fraken barruan edo kanpoan eramateko, zapatekin edo tenis batzuekin.